Мемлекет басшысы Бангладеш Президентіне құттықтау жеделхатын жолдады

Қазақстан президенті Қасым-Жомарт Тоқаев Мирза Фахрул Ислам Аламгирді Бангладеш Халық Республикасының резиденті лауазымына сайлануымен құттықтады, деп хабарлайды Zakon.kz.

Мемлекет басшысы құттықтау жеделхатында Бангладештің әлеуметтік-экономикалық дамуына және халықтың әл-ауқатын арттыруға бағытталған бастамалардың табысты жүзеге асуына тілектестік білдірді.

"Еліңіздің әлеуметтік-экономикалық дамуына және халықтың әл-ауқатын арттыруға бағытталған жоспарларыңыз бен бастамаларыңызды табысты іске асыруыңызға тілектеспін. Достық пен өзара түсіністікке негізделген ынтымақтастықты нығайту үшін бірлесе жұмыс жүргізуге әзір екенімді растаймын", – делінген жеделхатта.

Қасым-Жомарт Тоқаев Мирза Фахрул Ислам Аламгирдің жауапты қызметіне табыс, ал достас Бангладеш халқына бақ-береке тіледі.