"Жыр жауҺары": Ақтөбеде жас ақындардың республикалық поэтикалық дуэлі өтті

4 қыркүйек күні Ақтөбе қалалық Жастар ресурстық орталығының ұйымдастыруымен 5 қыркүйек – Қазақстан халқының тілдері күніне орай "Анаға тағзым" ғимаратында республикалық "Жыр жауһары" поэтикалық дуэлі өтті.

Жыр додасына 10 жас жазба ақын қатысып, өздерінің ақындық шеберліктері мен шығармашылық қарым-қабілеттерін ортаға салды. Байқаудың ерекшелігі – Орал, Алматы және Қызылорда қалаларынан арнайы келген жас ақындардың қатысуы.

Сурет: Ақтөбе қаласы әкімдігінің баспасөз қызметі

Поэтикалық дуэль екі кезеңнен тұрды:

І кезең – "Жыр жауһары"

Қатысушылар тіл тақырыбында немесе Ақтөбе қаласына арналған бір өлең және еркін тақырыпта бір өлең оқыды. Қазылар алқасының шешімімен үздік деп танылған 6 ақын келесі кезеңге жолдама алды.

ІІ кезең – "Көңіл дәптері"

Бұл кезең нағыз жекпе-жек форматында өтті. Бірінші кезеңнен сүрінбей өткен 6 ақын жеребе арқылы жұптасып, еркін тақырыпта екі өлеңнен оқып, өзара бақ сынады.

Сурет: Ақтөбе қаласы әкімдігінің баспасөз қызметі

Нәтижесінде:

• І орын – Піржан Сандыбай (Алматы);
• ІІ орын – Тәуекелов Нұрсерік (Ақтөбе) және Санақұл Бексұлтан (Қызылорда);
• ІІІ орын – Дәурен Шамұратов (Орал);
• Арнайы жүлде – Жанкеева Жанерке (Ақтөбе).

Сурет: Ақтөбе қаласы әкімдігінің баспасөз қызметі

Барлық қатысушыларға орталық атынан арнайы алғыс хаттар мен қаржылай сыйақылар табысталды.

Сурет: Ақтөбе қаласы әкімдігінің баспасөз қызметі