Қырғызстанда Navai-дың есірткімен шекарадан қалай өткені тексеріліп жатыр

Қырғызстанда ресейлік рэпер Navai-дың есірткімен шекарадан қалай өткені анықталып жатыр, деп хабарлайды Zakon.kz.

24.kg мәліметінше, Қырғызстанның Шекара қызметі қызметтік тексеру басталғанын мәлімдеді. Егер заң бұзушылықтар анықталса, "Ақ-Жол – автожол" өткізу пунктінің қызметкерлері жауапкершілікке тартылады.

12 қазанда рэпер Бішкекке концерт қоюға келген. Бұдан кейін оның Астанада концерті өтуі жоспарланған еді.

2026 жылғы 14 қазанда ресейлік музыкант әрі рэпер Navai-дың (Наваи Бакиров) Қазақстанға кірер кезде ұсталғаны белгілі болды. Оның көлігінен есірткі болуы мүмкін зат табылып, тәркіленген. Осы факті бойынша есірткі контрабандасына оқталу күдігімен қылмыстық іс қозғалды. Күдікті уақытша ұстау изоляторына қамалды.

Музыканттың анасы ұлын әдейі арандатқан деп санайтынын мәлімдеді. Ол ұлының есірткі сатумен айналыспайтынына сенімді.