Сенатқа жаңадан келген депутаттар кімдер, ескі құрамнан қайсылары шығып қалды

Президенттің алғашқы Жарлығымен Мәулен Әшімбаев пен ҚР Парламенті Сенатының 12 депутатының өкілеттігі тоқтатылды. Келесі Жарлық ҚР Жоғарғы Сотының бұрынғы төрағасы Жақып Асановтың Сенаттың жаңа депутаты ретінде тағайындалуына қатысты. Үшінші Жарлық бойынша Қасым-Жомарт Тоқаев Мәулен Әшімбаевты, Нұртөре Жүсіпті, Ләззат Қалтаеваны, Асқар Шәкіровті Парламенттің жоғарғы палатасының депутаттары етіп қайта тағайындады.

Осылайша, ҚР Парламенті Сенатының бұрынғы құрамынан тоғыз депутат шығып қалды:

- Владимир Волков;

- Бақытжан Жұмағұлов;

- Қайрат Қожамжаров;

- Мұхтар Құл-Мұхаммед;

- Талғат Мұсабаев;

- Дана Нұржігіт;

- Қанатбек Сафинов;

- Ләззат Сүлеймен;

- Серікбай Тұрымов.

Сонымен қатар, Мемлекет басшысы Қазақстан халқы Ассамблеясы өкілдерінен Сенат депутатын тағайындады. Олар:

- Евгений Больгерт;

- Зәкіржан Күзиев;

- Нұрия Ниязова;

- Әлішер Сатыбалдиев;

- Геннадий Шиповский.

Осылайша, ҚХА атынан бес депутат жаңадан тағайындалды және жаңа сенатор Жақып Асанов та бар.

2022 жылғы маусымда республикалық референдум аясында Қазақстан Конституциясына өзгерістер енгізілді. Жаңа өзгеріске сәйкес, Президент Сенаттың 10 депутатын тағайындай алады, оның бесеуі — Қазақстан халқы Ассамблеясы атынан ұсынылады.

Оқи отырыңыз

Respublica партиясынан Мәжіліске кімдер депутат болады

23:00, 27 наурыз 2023

Президент сегізінші сайланған парламенттің бірінші сессиясын шақырды

17:06, 27 наурыз 2023

ЖСДП оппозициялық партиясы алғаш рет Парламентке өтті

20:10, 20 наурыз 2023