Жаңалықтар тізбегі
0

Жалпыұлттық социал-демократиялық партияның партиялық тізімі ОСК-ға тіркелді

Жалпыұлттық социал-демократиялық партиясының партиялық тізімі ОСК-да тіркелді Сурет: freepik
Орталық сайлау комиссиясының отырысында алдағы парламент мәжілісінің кезектен тыс сайлауына Қазақстан Жалпыұлттық социал-демократиялық партиясынан кандидаттардың партиялық тізімін тіркеу туралы шешім қабылданды, деп хабарлайды Zakon.kz.

ОСК төрағасы Нұрлан Әбдіров 6 ақпанда ЖСДП партиялық тізімді ұсыну туралы құжаттарды ОСК-ға тапсырғанын айтты.

"ОСК ЖСДП кандидаттарының Конституция мен Сайлау туралы Конституциялық заң талаптарына сәйкестігін анықтау бойынша тиісті рәсімдерді жүргізді".ОСК төрағасы Нұрлан Әбдіров

ОСК мүшесі Анастасия Щегорцова партия ұсынған құжаттарға толығырақ тоқталды. Оның айтуынша, ЖСДП мына құжаттарды ұсынды: партиялық тізімді ұсыну туралы кезектен тыс съездің хаттамасынан үзінді көшірме, партиялық тізімге енгізуге азаматтардың келісімі, өмірбаян деректері және әрқайсысының жеке куәлігінің көшірмесі, тізімге енгізілген кандидат және оның партияға мүшелігін растайтын құжаттар.

Сонымен қатар саяси партияны Әділет министрлігінде мемлекеттік тіркеу туралы құжаттардың көшірмелері, кандидаттар мен олардың жұбайларының 2023 жылғы 1 қаңтардағы жағдай бойынша активтері мен міндеттемелері туралы декларацияны ұсынғаны туралы мемлекеттік кірістер органының анықтамалары ұсынылды. Мүгедектігі бар үміткерлер мүгедектік туралы анықтаманы қосымша табыс етті.

Ол сонымен қатар бір саяси партиядан бір ғана тізімді тіркеуге рұқсат етілгенін атап өтті. Оған енгізілген тұлғалардың саны саяси партиялар арасында бөлінген депутаттық мандаттардың белгіленген санынан 30%-дан аспауға тиіс. Партиялық тізімде үш санаттағы өкілдердің саны – әйелдер, жастар және мүгедектер жалпы саны 30%-дан кем болмауға тиіс.

"ЖСДП партиялық тізімінде 19 адам бар. Бұл тізімде 6 үміткер – әйелдер, жастар және мүгедектігі барлар. Ол дегеніміз жалпы 31,6 %. Белгіленген квота орындалды. Партиялық тізімге енгізілген адамдардың барлығы ҚР Сайлау туралы Конституциясы мен Конституциялық заң талабына сай".ОСК мүшесі Анастасия Щегорцова

Мәжіліс сайлауына жеті партия жіберілді:

  • Қазақстанның "Ақ жол" демократиялық партиясы.
  • Amanat партиясы.
  • "Ауыл" халықтық-демократиялық партиясы.
  • "Байтақ" Қазақстан жасыл партиясы.
  • Жалпыұлттық социал-демократиялық партиясы.
  • Қазақстан халық партиясы.
  • Respublica партиясы.

Мәжіліс пен барлық деңгейдегі мәслихаттар депутаттарының кезектен тыс сайлауы 2023 жылдың 19 наурызына белгіленді.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: