Нұр-Сұлтанда биік кранның құлауына байланысты қылмыстық іс қозғалды

Нұр-Сұлтанда биік кран құлап, жүргізушісі көз жұмды. Аталған факті бойынша полиция қылмыстық іс қозғады, деп хабарлайды Zakon.kz

Аталған фактіге сәйкес, ҚР ҚК 277-бабы, яғни "Құрылыс жұмыстарын жүргізу кезінде абайсызда адам өліміне әкеліп соғудағы қауіпсіздік ережелерін бұзу" бойынша қылмыстық іс қозғалды. Нұр-Сұлтан қалалық ПД баспасөз қызметі

Құзырлы ведомство қажетті сараптамалар тағайындалып, тергеу жүргізіліп жатқанын атап өтті.

Бұған дейін хабарланғандай, 18 ақпанда сағат 17:07-де салынып жатқан нысанның аумағында биік кран құлап, машинист қайтыс болды. Алдын ала себеп – кран мұнарасы бөлігінің сынуы.