Қостанай облысында 200 келіге жуық есірткі заттары өртелді

Қостанай облысы ПД аумағында заңсыз айналымнан алынған есірткілерді жою акциясы өтті, деп хабарлайды Zakon.kz.

Жою процесі арнайы комиссияның қатысуымен өтті.

Қостанай облысы ПД Есірткі қылмысына қарсы іс-қимыл басқармасының аға жедел уәкілі Айгүл Ераәділованың айтуынша, өртелген есірткі заттары қылмыстық іс бойынша заттай дәлелдемелер болып табылады. Акцияның мақсаты - халық арасында есірткіге қарсы насихат жүргізу және есірткінің қайта айналымына жол бермеу.

Іс-шараға Қостанай жоғары политехникалық колледжінің 40-тан астам волонтерлары қатысты.