«Алтын-Орда» базарындағы төбелес: полицейлер күдіктіні ұстады

Қазіргі уақытта күдікті Қарасай аудандық полиция басқармасының уақытша ұстау изоляторына қамалды. Оған қатысты ҚР ҚК 192-бабы, 3-бөлігі, 1-тармағы "Абайсызда жәбірленушінің өліміне әкеліп соққан, денсаулыққа ауыр зиян келтіре отырып жасалған қарақшылық" бойынша қылмыстық тергеу амалдары қолға алынды. Алматы облысы ПД бастығының орынбасары, полиция подполковнигі Елдар Әбдікенов

Маусым айының ортасында әлеуметтік желіде екі жігіттің төбелескен видеосы жарияланды. Видеода бір жас жігіттің екіншісін киімінен тартып, ұстауға тырысып, ұрланған телефонын қайтаруды сұраған сәті түскен.

Күдікті қарсыласын екі рет ұрып, оқиға орнынан қашып кеткен.

20 маусымда жәбірленуші Алматыдағы көпсалалы клиникалық ауруханасына түсіп, 8 шілде күні таңертең қайтыс болды.

Тәртіп сақшыларының айтуынша, Алматы облысының жедел уәкілдері ұстаған күдікті көрші өңірге барып жасырынған. Барлық қажетті тергеу әрекеттері жүргізіліп жатыр, олардың нәтижесі бойынша қысқа мерзімде іс жүргізу шешімі қабылданатын болады.

Оқи отырыңыз

Оралда студенттер алаяққа алданып қалды

22:42, 27 наурыз 2023

Таразда вокзал аумағынан қару-жарақ жасырылған орын табылды

20:48, 27 наурыз 2023

Журналист Михаил Козачков шартты түрде 3,5 жылға сотталды

19:05, 27 наурыз 2023