Теміртауда ойын автоматын талқандаған ер адам ұсталды

Қарағандылық полицейлер көшедегі ойын автоматын қасақана бүлдірген ер адам мен оның қасындағыларды да анықтады, деп хабарлайды Zakon.kz.

Жас жігіттің техниканы талқандағаны түсірілген видео желіге тарап, полиция қызметкерлерінің де назарына ілінген.

Шығыс полиция бөлімінің қызметкерлері күдіктіні анықтап, ұстады. Ол жалғыз болмай шықты. Оның жанында 37, 22 және 19 жастағы қала тұрғындары болған. Ер адамдарға қатысты ҚР ҚК-нің 202-бабы - "Бөтеннің мүлкін қасақана жою немесе бүлдіру" бойынша сотқа дейінгі тергеу басталды. Қарағанды облысы ПД баспасөз қызметі

Автоматтың 25 жастағы иесі келтірілген залал көлемін 1,5 млн теңгеге бағалады.