Астанада колледж студенті есірткі сатумен айналысқан

Астанада полицейлер есірткі сатқан студентті құрықтады, деп хабарлайды Zakon.kz.

Астаналық полицейлер елордалық колледждің 3-курс студентін ұстады. 18 жастағы студенттің пәтерінен екі келіден астам "гашиш" табылып, тәркіленді.

Сондай-ақ, тінту кезінде электронды таразы, өлшеп-орау ыдыстары және есірткі құралдарын өлшеп-орауға арналған құрылғылар да табылып, тәркіленді.

Есірткіні аса ірі мөлшерде сақтау фактісі ҚР ҚК 296-бабы 4-бөлігі бойынша сотқа дейінгі тергеп-тексерудің бірыңғай тізілімінде тіркелді.

Қазіргі уақытта елордаға есірткіні жеткізу арнасы анықталуда.