ТЖ кезінде жұмыс орнынан кетіп қалған полицейлер 10 жылға дейін сотталуы мүмкін

Бас прокурордың орынбасары қаңтар оқиғасы бойынша халыққа ай сайын тиісті ақпарат берілетінін атап өтті.

"Қанша қылмыстық іс қозғалғанын, қанша адам жауапқа тартылғанын хабарлап отырамыз. Қандай да бір ақпарат қажет болса, мен бере аламын. Құқық қорғау органдары қызметкерлерінің қызмет орнын тастап кетуі жөніндегі нақты сіздің сұрағыңызға көшсек, осы айда заңға тиісті өзгерістер енгізілді. Өміріне немесе денсаулығына қауіп төнген, сондай-ақ жұмыс орнын тастап кеткен, өкілеттікті асыра пайдаланған және басқа да көптеген әрекеттер жасаған жағдайға қатысты біз Қылмыстық кодекске тұлғалардың жауапкершілігін көрсететін жаңа бап енгіздік. Онда 10 жылға дейін бас бостандығынан айырылады деп нақты көрсетілген". Жандос Өміралиев

"Әскери полиция органдары туралы" Қазақстан Республикасы Заңының жобасын және оған қатысты түзетулер пакетін бірінші оқылымда талқылаған кезде депутат Ерлан Саиров қаңтарда Талдықорған қаласында, Жамбыл және Қызылорда облыстарында болған оқиға кезінде кейбір қызметкерлер жұмыс орнын тастап кеткенін еске салды. Осыған байланысты ол Бас прокуратура өкілінен осы органдар басшыларына қандай шаралар қолданылғанын, қаңтардағы қайғылы оқиғаға қатысты тергеу қорытындысы қашан ұсынылатынын айтып беруін сұрады.

Оқи отырыңыз

Оралда студенттер алаяққа алданып қалды

22:42, 27 наурыз 2023

Таразда вокзал аумағынан қару-жарақ жасырылған орын табылды

20:48, 27 наурыз 2023

Журналист Михаил Козачков шартты түрде 3,5 жылға сотталды

19:05, 27 наурыз 2023