Полиция Сәтпаевта дәмханадағы төбелес кезінде кісі өлімінің орын алғанын жоққа шығарды

Құқық қорғаушылардың хабарлауынша, 26 желтоқсанға қараған түні қаладағы кафелердің бірінде екі топ арасында қақтығыс орын алған.

Оқиға орнына шұғыл жеткен полицейлер базбұзарларды ажыратты. Сонымен қатар, жедел жәрдем дәрігерлері де оқиға орнында көмек көрсетті, төбелескендердің ешқайсысы ауруханаға жатқызуды қажет етпеген.

"Төбелескендерге қатысты ҚР ӘҚБтК-нің 434-бабы 1-бөлігі бойынша әкімшілік хаттама толтырылды және материал процесуальдық шешім шығару үшін сотқа жолданды". Ұлытау облысы ПД баспасөз қызметі

Сондай-ақ, баспасөз қызметі әлеуметтік желіде тараған видео құқық бұзушылықты тіркеу бойынша жүргізілген қажетті іс-шаралардан кейін түсірілгенін нақтылады.

Полиция көпті жалған қауесеттер мен ойдан шығарылған оқиғаларға сенбеуге шақырады.

"Көрінеу жалған ақпаратты таратқаны үшін ҚР ҚК 274-бабына сәйкес қылмыстық жауапкершілік және көрінеу жалған мәліметтерді таратқаны үшін (жала жабу) ҚР ӘҚБтК 73-3-бабы бойынша әкімшілік жауапкершілік қарастырылатынын еске саламыз". Ұлытау облысы ПД баспасөз қызметі

Оқи отырыңыз

Оралда студенттер алаяққа алданып қалды

22:42, 27 наурыз 2023

Таразда вокзал аумағынан қару-жарақ жасырылған орын табылды

20:48, 27 наурыз 2023

Журналист Михаил Козачков шартты түрде 3,5 жылға сотталды

19:05, 27 наурыз 2023