Маңғыстау облысында үш айдан бері үш баланың анасы іздестіріліп жатыр

2022 жылдың 29 қыркүйегінде Бейнеу қаласының тұрғыны жұмысқа баратынын айтып, үйден шығып кеткен. Содан бері ол ұшты-күйлі жоқ, деп хабарлайды Zakon.kz.

"Лидер Актау" қоғамдық ұйымының волонтерлары Жәния жоғалып кеткен күні "Бейнеу – Маңғыстау" бағытындағы жолаушылар пойызына билет сатып алғанын айтады.

Іздеу жарияланған хабарламада жоғалған келіншектің белгілері атап көрсетілген: бойы - 160-165 см, орташа денелі, ерінінің үстінгі жағында меңі бар. 

Жәнияның орналасқан жері туралы қандай да бір ақпарат білетіндер болса, онда мына нөмірлерге хабарласу сұралады: [phone], [phone] немесе 102.