СҚО-дағы қайғылы жол апатынан екі адам мерт болды

2023 жылғы 7 қаңтарда Мамлютка - Қостанай автожолында Nissan Murano, Audi A6 және Toyota Avensis автокөліктері соғысып, жол-көлік оқиғасы болды, деп хабарлайды Zakon.kz.

 Соқтығысу салдарынан Toyota Avensis автокөлігінің 36 жастағы жүргізушісі мен оның 17 жастағы жолаушысы қайтыс болды.

Cурет: polisia.kz

Жол-көлік оқиғасының тағы сегіз қатысушысы (олардың арасында 2014 жылы туған бір кәмелетке толмаған бар) түрлі жарақаттармен медициналық мекемеге жеткізілді.

Cурет: polisia.kz

Жол-көлік оқиғасы фактісі ҚР ҚК-нің 345-бабының 3-бөлігі бойынша тіркелді (Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы).

Cурет: polisia.kz