Арыста көші-қон заңнамасын бұзған өзбекстандық ерлі-зайыпты елден шығарылды

Өзбекстандық ерлі-зайыпты көші-қон заңнамасын бұзғаны үшін Қазақстан Республикасынан шығарылды және көлік полицейлері олардың елге кіруіне 5 жылға тыйым салды, деп хабарлайды Zakon.kz.

Арыс-1 станциясындағы желілік полиция бөлімінің қызметкерлері Орал – Алматы бағытындағы жолаушылар пойызын тексеру барысында Қазақстан Республикасының Халықтың көші-қоны саласындағы заңнамасын бұзған ерлі-зайыптыны анықтап, ұстады. Олар Өзбекстан Республикасының 27 және 26 жастағы азаматтары болып шықты. Бұл туралы polisia.kz хабарлады.

Көлік полицейлері құқық бұзушыларға қатысты ҚР әкімшілік құқық бұзушылық туралы кодекстің 517-бабы 4-бөлігі бойынша әкімшілік хаттама толтырылды. Түркістан облысы Арыс аудандық сотының қаулысымен шетелдік азаматтар ҚР аумағына кіруге 5 жыл мерзімге тыйым салу белгіленіп, Қазақстан Республикасынан тысқары шығарып жіберу түрінде жауапқа тартылды.