Жетісу облысында жол талғамайтын көлік төрт жылқыға соғылып, талқаны шықты

Жетісу облысында жол үстіндегі қараусыз жылқылар жол апатына түрткі болды, деп хабарлайды Zakon.kz.

12 наурызда Алматы-Өскемен тас жолының 196 шақырымында 46 жастағы ер адам тізгіндеген JAC S3 жол талғамайтын көлігі төрт атты қағып кеткен.

Жол апаты салдарынан 45 жастағы жолаушы әйел зардап шегіп, түрлі дене жарақаттарымен Көксу аудандық ауруханасына жатқызылды.

Сурет: Telegram/POLISIA.KZ

"Сотқа дейінгі тергеу амалдары қолға алынды. Полиция қызметкерлері жол бойында қараусыз жүрген жылқылардың иесін анықтап жатыр", - дейді полициядағылар.