«Антикор» ұрланған активтерді қайтаруға ерекше назар аударуы керек — Тоқаев
![Кадрлық тағайындау, сурет - Zakon.kz жаңалық 25.02.2022 19:09](https://kaz.zakon.kz/pbi/WEBP/2023-12-20/file-ce54bcde-328d-4c52-8eef-d6be2119648b/800x451.webp)
Президент Сыбайлас жемқорлыққа қарсы іс-қимыл агенттігінің басшылық құрамымен бейнебайланыс арқылы кеңес өткізіп, жаңадан тағайындалған төраға Олжас Бектеновті таныстырды, деп хабарлайды Zakon.kz.
Қасым-Жомарт Тоқаев агенттіктің бұрынғы төрағасы Марат Ахметжановқа атқарған жұмысы үшін ризашылығын білдіріп, оның жаңа қызметіне табыс тіледі, делінген Ақорда хабарламасында.
![Мемлекет басшысы қабылдауында, сурет - Zakon.kz жаңалық 25.02.2022 19:09](https://kaz.zakon.kz/pbi/WEBP/2023-12-20/file-c9f912ee-7b90-4936-ae26-22838eb43b4b/800x451.webp)
Сурет: akorda.kz
Мемлекет басшысы агенттіктің жаңа төрағасы мен жеке құрамына сыбайлас жемқорлық қылмыстары үшін жауапкершіліктен жалтарып кетпеуді қамтамасыз етуге, қоғамда сыбайлас жемқорлыққа төзбеу идеологиясын күшейтуге, мемлекеттік қызмет туралы қоғамдағы жағымсыз пікірді өзгертуге бағытталған бірқатар міндет жүктеді, делінген ресми ақпаратта.
Сонымен қатар Президент елден ұрланып кеткен активтерді қайтаруға ерекше назар аудару керек екенін айтты.
![Ұрланған активтер, сурет - Zakon.kz жаңалық 25.02.2022 19:09](https://kaz.zakon.kz/pbi/WEBP/2023-12-20/file-07fa2486-38ad-4909-9850-8434673168a5/800x451.webp)
Сурет: akorda.kz
Мемлекет басшысы 2022-2026 жылдарға арналған сыбайлас жемқорлыққа қарсы саясаттың жақында бекітілген тұжырымдамасын қалыптасқан ахуалды сапалы өзгертудің маңызды құрамдас бөлігі ретінде атап өтті.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript