Мемлекет басшысы Арман Исетовті Таиланд Корольдігінің елшісі лауазымына тағайындады

Арман Исетов Қазақстанның Таиланд Корольдігіндегі Төтенше және Өкілетті Елшісі лауазымына тағайындалды, деп хабарлайды Zakon.kz.

Бұл туралы Ақорда сайтында хабарланды.

Президент Қасым-Жомарт Тоқаевтың өкімімен Арман Асқарұлы Исетов Қазақстан Республикасының Таиланд Корольдігіндегі Төтенше және Өкілетті Елшісі лауазымына тағайындалды, – делінген хабарламада.

Бұл қызметті бұрын атқарған Раушан Есболатова Қазақстанның Таиланд Корольдігіндегі Төтенше және Өкілетті Елшісі қызметінен босатылды.

Раушан Кәкімсейітқызы Есболатова Қазақстанның Таиланд Корольдігіндегі Төтенше және Өкілетті Елшісі қызметінен, Қазақстан Республикасының Мьянма Одағы Республикасындағы Төтенше және Өкілетті Елшісі қызметін қоса атқарудан босатылды, – делінген Ақорда хабарламасында.