Жаңалықтар тізбегі
0

Тоқаев: Билік барлық азаматтың мұң-мұқтажына бірдей қарауға тиіс

Ұлттық құрылтай, ҚР президенті Сурет: akorda.kz
Мемлекет басшысы Ұлытауда өтіп жатқан ұлттық құрылтайда бірнеше бағыттарды айқындап берді, деп хабарлайды Zakon.kz.
Біз ұлтты ұйыстыратын парасатты, тың идеялар мен ұсыныстарға айрықша мән беруіміз қажет. Бұл – Ұлттық құрылтайдың ең басты міндеті. Сондықтан, мынадай бағыттарға назар аудару қажет деп ойлаймын.ҚР президенті Қасым-Жомарт Тоқаев

Жалпыұлттық бірлікті нығайту

«Демократия дәстүрі жетілген, мықты азаматтық қоғам құрамыз» деген президент бұл – стратегиялық бағыт болатынын, осы бағдарды берік ұстану керегін атап өтті.

Мемлекет басшысының сөзінше, соңғы үш жылда бұл салада біраз нәтижеге жеттік. Билік пен халық арасында мазмұнды диалог орнады.

Президент бұған Ұлттық қоғамдық сенім кеңесі зор септігін тигізгенін атап өтті. Сол арқылы бірқатар озық идеялар ұсынылды. Ол сондай-ақ митингілер туралы демократиялық заң шыққаны,н, партиялық сайлау тізіміне әйелдер мен жастар үшін отыз пайыздық квота енгізілгенін, қоғамдық кеңестердің жұмысы жандана түскенін тілге тиек етті.

Біз «Түрлі көзқарас, біртұтас ұлт» қағидатын берік ұстануымыз қажет. Бір-біріміздің ой-пікірімізді тыңдап, құрметтей білсек, алға қадам басамыз. Біз демократиялық реформа жасаймыз деп, мемлекетті әлсіретуге еш жол бермеуіміз керек, – деді президент.

Сонымен қатар Тоқаев «заң мен тәртіп – ішкі тұрақтылықтың бірден-бір кепілі. Онсыз қоғамның дамуы мүмкін емес. Сондықтан, бұл қағида біздің ең басты бағдарымыз болуға тиіс» екенін атап өтті.

Жалпы, отбасын асырау үшін табанды еңбек етіп жүрген, заңға бағынатын адамдар құрметке ие болуы керек. Өкінішке қарай, бізде көше бұзақылары, жауапкершіліктен жұрдай блогерлер және масылдық пиғылмен айқай шығаратын адамдар бүгінгі күннің батырына айналды. Депутаттар мен атқарушы билік өкілдері соларға ғана баса мән беретін болды. Түрлі деңгейдегі шенеуніктер солардың ғана талабын орындауға жүгіреді, – деді мемлекет басшысы.

Президент «Халық үніне құлақ асатын мемлекеттің» көмегіне сеніп отырған, заңға бағынатын қарапайым жұрт назардан тыс қалмауы керек» екенін баса айтты.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: