Қазақстан латын әліпбиіне қашан көшеді – президент жауап берді

Тілге байланысты тағы бір маңызды мәселе. Бұл – латын әліпбиіне көшу туралы. Кейбір қоғам өкілдері біз әлі күнге дейін кириллицадан арыла алмай жатырмыз деп, алаңдаушылық білдіруде. Бірақ, ең алдымен, бұл – лингвистикалық тұрғыдан өте күрделі мәселе. Осыны жақсы түсінген жөн.Қасым-Жомарт Тоқаев

Президент бұған дейінгі латын графикасына көшу әркеті сәтсіз болғанын атап өтті.

Кириллицадан латын әліпбиіне жасанды түрде, тек сәйкес әріптерді өзгерту арқылы көшуге болмайды. Әйтпесе, бұл үлкен қателікке апарып соғады, – деді президент.

«Тілімізге арналған орфографиялық қағидаларды қайта қараған жөн» деген президент Тіл білімі институтына қазақ тілінің жаңа орфографиясы туралы арнайы еңбек әзірлеуді тапсырды. Президент «содан кейін ғана латын әліпбиіне ауысу жөнінде айтуға болатынын» атап өтті.

Асығыстыққа жол бермеуіміз керек. Тіпті, көшедегі билбордтар мен министрліктердің атауына қарасақ та жеткілікті. Тіліміз бұрмаланып кетті. Ашығын айту керек, бұл қазақ тілінің табиғатына жат, тіпті, тілімізді мазақ қылу сияқты көрінеді. Мұндай үстірт жасалған тіл реформасының қажеті жоқ. Бізге нақты реформа керек, – деп түйіндеді сөзін мемлекет басшысы.

Оқи отырыңыз

Тоқаев Шыңжаң-Ұйғыр автономиялық ауданы ҚКП партия комитетінің хатшысымен кездесті

15:01, 27 наурыз 2023

Мемлекет басшысы аралас жекпе жек шебері Шавкат Рахмоновты қабылдады

11:19, 27 наурыз 2023

26-27 сәуірде Қазақстан халқы Ассамблеясының XXХІI сессиясы өтеді

09:04, 27 наурыз 2023