Марат Омаров Бәсекелестікті қорғау және дамыту агенттігінің төрағасы болып тағайындалды

Мемлекет басшысының Жарлығы Ақорда сайтында жарияланды, деп хабарлайды Zakon.kz.

Мемлекет басшысының Жарлығымен Марат Талғатұлы Омаров Қазақстан Республикасының Бәсекелестікті қорғау және дамыту агенттігінің төрағасы болып тағайындалды, ол бұрынғы атқарған лауазымынан босатылды, – делінген Ақорда хабарламасында.

Марат Омаров 1988 жылы 20 қыркүйекте дүниеге келген. «Болашақ» бағдарламасы бойынша Йорк Британ университетін, Лондон экономика және саясаттану мектебін бітірген.

Еңбек өтілі:

ҚР Экономикалық даму және сауда министрінің (кейіннен – Экономика және бюджеттік жоспарлау, Ұлттық экономика) кеңесшісі (2012-2014);

ҚР Ұлттық экономика министрлігінің Тарифтік және институционалдық саясатты қалыптастыру департаменті директорының орынбасары (2014-2016);

«Қазақтелеком» АҚ басқарушы директоры (2016-2017);

«Технологиялық даму жөніндегі ұлттық агенттік» АҚ басқарма төрағасы, трансформациядан кейін - «QazTech Ventures» АҚ («Бәйтерек» ҰБХ» АҚ құрылымына кіреді) басқарма төрағасы (04.2017-05.2019);

«Бәйтерек» холдингінің басқарушы директоры – Басқарма мүшесі (05.2019-10.2020);

ҚР Бәсекелестікті қорғау және дамыту агенттігі төрағасының орынбасары (10.2020 жылдан бастап).

Айта кетейік, бұған дейін агенттікті Серік Жұманғарин басқарған. 15 тамызда оның премьер-министрдің орынбасары – Сауда және интеграция министрі қызметіне тағайындалғаны белгілі болды.