Президент боксшы Жәнібек Әлімханұлына құттықтау жеделхатын жолдады

Президент әлемдік деңгейде шаршы алаң шебері атанған боксшыларымыз аз емес екенін, Қазақстан бокс мектебінің абыройын асқақтатуға Жәнібек Әлімханұлының да зор үлес қосып келе жатқанын атап өтті.

Қажырлы еңбегіңіз бен мұқалмас ерік-жігеріңіздің арқасында қазақтың бокс стилінің үстемдігін тағы бір рет паш еттіңіз. Бұл айтулы жетістігіңіз жас өрендеріміздің спортқа, әсіресе боксқа деген қызығушылығын арттыратыны сөзсіз. Үлкен спорттағы әр қадамыңыз – олар үшін үлгі-өнеге. Сізге зор денсаулық, отбасыңызға амандық, спортта толағай табыстар тілеймін, – деп жазылған мемлекет басшысының құттықтау жеделхатында.

Еске сала кетейік, Жәнібек Әлімханұлы бокстан WBO тұжырымы бойынша толыққанды әлем чемпионы атанды.

Дүниежүзілік бокс ұйымы (WBO) қазақстандық кәсіпқой боксшы Жәнібек Әлімханұлыорта салмақта WBO тұжырымы бойынша әлем чемпионы атанғанын ресми түрде хабарлады.

Бұл жаңалығын спортшының өзі де Instagram парақшасында жариялады. Толыққанды чемпион Деметриус Андраде Жәнібекпен кездесуден бас тартып, басқа дивизионға ауысуына байланысты, толыққанды чемпион атағына Жәнібек автоматты түрде қол жеткізді.

Оқи отырыңыз

Тоқаев Шыңжаң-Ұйғыр автономиялық ауданы ҚКП партия комитетінің хатшысымен кездесті

15:01, 27 наурыз 2023

Мемлекет басшысы аралас жекпе жек шебері Шавкат Рахмоновты қабылдады

11:19, 27 наурыз 2023

26-27 сәуірде Қазақстан халқы Ассамблеясының XXХІI сессиясы өтеді

09:04, 27 наурыз 2023