Президент 5 қыркүйек күні Қостанай облысына барады

Қазақстан президенті Қасым-Жомарт Тоқаев 5 қыркүйекте Қостанай облысына барады. Бұл ақпарат мемлекет басшысының баспасөз хатшысы Руслан Желдібайдың Facebook-тегі парақшасында жарияланды, деп хабарлайды Zakon.kz.

Руслан Желдібайдың жазуынша, президент алдын ала бекітілген жұмыс кестесіне сәйкес, 5 қыркүйек күні Қостанай облысына барады.

Сондай-ақ жұмыс сапары аясында мемлекет басшысы ағартушы, ұлт ұстазы Ахмет Байтұрсынұлының 150 жылдық мерейтойының ресми іс-шараларына қатысатыны белгілі болды.