Президент Өзбекстан және Түрікменстанмен төтенше жағдайлардағы ынтымақтастық туралы заңға қол қойды

• "Мемлекет басшысы «Қазақстан Республикасының Үкіметі мен Өзбекстан Республикасының Үкіметі арасындағы төтенше жағдайлардың алдын алу және оларды жою саласындағы ынтымақтастық туралы келісімді ратификациялау туралы» Қазақстан Республикасының Заңына қол қойды.
• Мемлекет басшысы «Қазақстан Республикасының Үкіметі мен Түрікменстанның Үкіметі арасындағы Азаматтық қорғаныс, төтенше жағдайлардың алдын алу және оларды жою саласындағы ынтымақтастық туралы келісімді ратификациялау туралы» Қазақстан Республикасының Заңына қол қойды", - делінген Ақорда хабарламасында.

Келісім қауіпті техногендік және экологиялық процестердің, табиғат құбылыстарының мониторингін ұйымдастыру және жүргізу, төтенше жағдайлар кезіндегі іс-қимылдарға, оның ішінде алғашқы медицина көмегін көрсетуге халықты дайындауды ұйымдастыру бойынша тәжірибе алмасуды қарастырады.

Сонымен қатар мұндай келісім трансшекаралық аумақтарда болған жер сілкіністерінің зардаптарына бірлескен макросейсмикалық зерттеулерді ұйымдастыру және жүргізу, білім беру ұйымдарында мамандарды даярлау, тағылымдамадан өтушілерді, оқытушыларды, ғалымдар мен мамандарды алмасу бойынша ынтымақтастықты қарастырады.

Сонымен қатар президент «Өзіндік ерекшелігі бар тауарларды бақылау туралы» Қазақстан Республикасының Заңына және «Қазақстан Республикасының кейбір заңнамалық актілеріне өзіндік ерекшелігі бар тауарларды бақылау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды.

Оқи отырыңыз

Тоқаев Шыңжаң-Ұйғыр автономиялық ауданы ҚКП партия комитетінің хатшысымен кездесті

15:01, 27 наурыз 2023

Мемлекет басшысы аралас жекпе жек шебері Шавкат Рахмоновты қабылдады

11:19, 27 наурыз 2023

26-27 сәуірде Қазақстан халқы Ассамблеясының XXХІI сессиясы өтеді

09:04, 27 наурыз 2023