Тоқаев Ана мен бала ұлттық ғылыми орталығына барып, балаларға сыйлық таратты
![Астана, Ана мен бала орталығы, ҚР президенті, сурет - Zakon.kz жаңалық 30.12.2022 14:54](https://kaz.zakon.kz/pbi/WEBP/2023-12-20/file-017d6946-7ee9-4e45-b921-6e1d70a01b4f/800x450.webp)
Ақорданың Telegram арнасы таратқан ақпарат бойынша, Қасым-Жомарт Тоқаев алдымен орталықтағы Смарт сыныптың жұмысымен танысты. Ем алып жатқан балалар оқудан қол үзіп қалмауы үшін "Ақылды сынып" ұйымдастырылған. Мұнда мектеп бағдарламасына сәйкес математика, тарих және басқа да пәндер оқытылады.
![Ана мен бала орталығы, Астана, ҚР президенті, сурет - Zakon.kz жаңалық 30.12.2022 14:54](https://kaz.zakon.kz/pbi/WEBP/2023-12-20/file-03186576-6e0e-43e5-b649-983044bb1cf3/800x450.webp)
Сурет: akorda.kz
Президент республиканың әр өңірінен келіп, ем алып жатқан балалармен әңгімелесті. Мемлекет басшысы жеткіншектердің тезірек сауығып кетуіне тілектестік білдірді.
![Ана мен бала орталығы, сурет - Zakon.kz жаңалық 30.12.2022 14:54](https://kaz.zakon.kz/pbi/WEBP/2023-12-20/file-c1a7d770-5456-41ca-8da4-7d56388ebc70/800x450.webp)
Сурет: akorda.kz
Президентке балалар бөлімшелерінде 351 бала ем алып жатқаны туралы баяндалды. Биыл бұл жерде 18 мыңға жуық бала емделген.
![Ана мен бала орталығы, сурет - Zakon.kz жаңалық 30.12.2022 14:54](https://kaz.zakon.kz/pbi/WEBP/2023-12-20/file-b44f203d-6031-4f3e-b475-eb2cd51d6829/800x450.webp)
Сурет: akorda.kz
Қасым-Жомарт Тоқаев орталықтағы балаларды Жаңа жыл мерекесімен құттықтап, барлығына сыйлық үлестірді.