Қазақстан мен Қытайдың Жоғарғы соттары құқықтық көмек көрсету туралы шартқа қатысады

Ашық НҚА, құқықтық көмек, Қазақстан мен Қытай арасындағы құқықтық көмек, сурет - Zakon.kz жаңалық 20.04.2023 12:16

Сурет: primeminister.kz

Әділет мнистрлігі "1993 жылғы 14 қаңтардағы Қазақстан мен Қытай Халық Республикасы арасындағы Азаматтық және қылмыстық істер бойынша құқықтық көмек көрсету туралы шартқа өзгерістер енгізу туралы Хаттамаға қол қою туралы" ҚР Президенті жарлығының жобасын әзірледі, деп хабарлайды Zakon.kz.

Құжатта азаматтық және қылмыстық істер бойынша құқықтық көмек көрсету туралы өтінішпен жүгінген кезде, Уағдаласушы Тараптар орталық мекемелері арқылы өзара қатынастар жасайды.

Орталық мекемелерге: Қазақстан Республикасы тарапынан Қазақстан Республикасы Жоғарғы соты, Қазақстан Республикасының Бас прокуратурасы және Қазақстан Республикасы Әділет министрлігі; Қытай Халық Республикасы тарапынан Әділет министрлігі, Жоғарғы Халық прокуратурасы және Жоғарғы Халық соты жатады.

Жарлық жобасы Қазақстан Республикасының аумағында шетелдік соттардың шешімдері мен өтініштерін орындау саласында құқықтық көмек көрсету жөніндегі сот органдарының функцияларын нақтылау, сондай-ақ екі Тараптың құзыретті мекемелерін өзгерту мақсатында әзірленген.

Құжат 4 мамырға дейін талқылау үшін Ашық НҚА сайтында жарияланға.

Оқи отырыңыз