Қызылордада Елтай арнасының бойынан екі есірткі алқабы мен қару табылды
Сурет: polisia.kz
31 тамызда Қызылорда облысының ПД Есірткі қылмысына қарсы іс-қимыл басқармасының қызметкерлері Сырдария ауданы, А.Тоқмағанбетов ауылына қарасты Елтай арнасының жағасында екі есірткі алқабын анықтады, деп хабарлайды Zakon.kz.
Өңірлік ПД баспасөз қызметі хабарлағандай, бірінші алқаптан 33 жастағы Түркістан қаласының тұрғыны 106 түп сора өсімдігіне ұқсас өсімдікті егіп баптағаны үшін ұсталды. Екінші алқапта 35 түп сора өсімдігіне ұқсас өсімдік еккен 53 жастағы сол ауданның тұрғыны құрықталды.
Бұдан бөлек бұл алқапта 16 калибрлі аңшы мылтығы анықталды.
106 түп сораның жалпы салмағы сараптама қорытындысына сәйкес, 43 келі 200 грамм, ал 35 түп сораның салмағы 17 келі 440 грамм болып шықты.
Бұл оқиғалар бойынша ұсталған күдіктілер аудандық полиция бөлімінің уақытша ұстау бөліміне қамалды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
