Ақмола облысында екі ер адам лото-клубтың 19 жастағы күзетшісін сабап кеткен

Сурет: Zakon.kz

Ақмола облысында екі ер адам лото-клубтың күзетшісіне дене жарақатын келтірді. Жанжалдың шығу себебі анықталып жатыр, деп хабарлайды Zakon.kz.

Атбасар ауданының полиция бөліміне "Лото-Клуб" қауіпсіздік қызметінің қызметкерінен мекемеде жасалған бұзақылық фактісі туралы телефон арқылы хабарлама келіп түсті. Жәбірленушінің берген айғақтарына сәйкес, 5 қыркүйекте түнде екі танысы оған дене жарақатын салған. Салдарынан 19 жастағы жәбірленуші миы шайқалып, беті ісіген.

"Осы факті бойынша полиция бөлімі ҚР ҚК 293-бабының 2-бөлігі - "Бұзақылық" бойынша сотқа дейінгі тергеуді бастады. Жедел-іздестіру іс-шаралары барысында аталған іске қатыстылығы тексерілетін тұлғалар анықталды", делінген полиция хабарламасында.

Бұған дейін Астрахан ауданы Острогорск ауылдық округінің әкімі Құрман Табиғат ер адамды ұрып-соқты деген айыпқа іліккені хабарланған.

Оқи отырыңыз