Ақтөбе облысында жеңіл көлік аударылып, салдарынан бес айлық сәби мерт болды

Ақтөбе облысында жеңіл көлік жол апатына ұшырап, бес айлық қыз бала мерт болды, деп хабарлайды Zakon.kz.

Өңірлік ПД баспасөз қызметінің хабарлауынша, сондай-ақ көліктегі ана мен ұл бала жарақат алып, ауруханаға жеткізілді.

Жол апаты 11 қыркүйекте сағат 07:00-де Мұғалжар ауданы Сағашили аулының маңында Ақтөбе-Астрахань тас жолының 127-ші шақырымында болған.

28 жастағы Kia-Ceed автокөлігінің жүргізушісі рөлге ие бола алмай, тас жолдың шетіне ұшып кетіп аударылған. Көлік салонында жүргізушінің отбасы болған.