Оралда жүк көлігі қағып, ауруханаға түскен әйел көз жұмды

25 қыркүйекте сағат 9:30 шамасында "Алтын Алма" базарының жанында КАМАЗ көлігі әйел адамды қағып кетті, деп хабарлайды Zakon.kz.

БҚО ПД баспасөз қызметіне сілтеме жасай отырып, "Мой город" порталы 53 жастағы әйелдің базарға қарама-қарсы жақтан арнайы белгісі жоқ жерден жолды кесіп өтпек болғанын хабарлайды. 

"52 жастағы жүргізуші тізгіндеген КАМАЗ оны қағып кетті. Зардап шеккен әйел ауруханаға шұғыл жеткізілді. Ол ота барысында жан тапсырды", делінген хабарламада.

Айта кетсек, Астанада оқушы баспалдақтан құлады, аталған фактіге байланысты мектеп директоры жауапқа тартылуы мүмкін.