Шымкентте мейрамханаға жылқыны күштеп кіргізген сүндет той иесі жауапқа тартылды
Сурет: pixabay
Шымкентте мейрамханалардың біріне жылқыны күштеп кіргізген сүндет той иесіне қатысты әкімшілік хаттама толтырылды, деп хабарлайды Zakon.kz.
Қалалық полиция департаментінің қызметкерлері әлеуметтік желіге мониторинг жүргізу барысында бірнеше ер адамның көзін орамалмен байланған атты баспалдақтан төмен түсірмек болып, әлекке түскен видеосын анықтады.
"Тексеру нәтижесінде бұл оқиға 8 қазанда Абай ауданындағы мейрамханалардың бірінде өткен "сүндет той" кезінде орын алғаны анықталды. Жылқының иесіне қатысты тәртіп сақшылары ҚР ӘҚБтК-нің 407-1 бабы, яғни "Жануарларға қатыгездік көрсету" бойынша әкімшілік хаттама толтырды", делінген полиция хабарламасында.
Тәртіп сақшылары жануарларды ұстау кезінде ұрып-соғуға, жануарды азаптауға, оның ішінде аштыққа, шөлдеуге және жануардың өліміне, жарақаттануына немесе денсаулығына өзге де зиян келтіруге әкеп соқтырған немесе соқтыруы мүмкін басқа да зорлық-зомбылыққа жол берілмейтінін ескертеді.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
