Алматы облысында пәтерді жалға берудің алаяқтық схемасы әшкере болды

Күдікті, алаяқтық, Алматы облысы, пәтерді жалға беру, сурет - Zakon.kz жаңалық 06.11.2023 18:37

Сурет: polisia.kz

Алматы облысының 38 жастағы тұрғыны жылжымайтын мүлік саласында бірқатар алаяқтық әрекеттер жасады деген күдікке ілінді, деп хабарлайды Zakon.kz.

Полиция осындай алаяқтық жолмен күдікті кем дегенде 15 адамды алдап үлгерген деп санайды.

"1985 жылғы К. есімді әйел тұрғын үйді жалға беру бизнесімен айналысқан. Пәтер жалдаған. Меншік иелерімен келісімшарт жасалғаннан кейін пәтерді басқа адамдарға "ұзақ уақытқа жалға берген". "Пәтер иесінің" жалғыз шарты - алдын ала төлем жасау немесе тұру ақысын толықтай төлеу. Ал сұралатын ақы көлемі 150-ден 400 мың теңгеге дейінгі аралықты қамтиды. Жедел уәкілдер бұл қылмыстарды жасаған күдіктіні анықтап, ұстады. Бірқатар алаяқтық дерегі бойынша қылмыстық іс тіркелді. Ұсталған азаматша осыған ұқсас қылмыс жасағаны үшін бұрын сотты болған", – деді Бостандық аудандық полиция басқармасының бастығы Мақсат Қанапяев.

ҚР ҚК-нің 201-бабына сәйкес өзге ақпарат тергеу мүддесіне орай жария етілмейді.

Оқи отырыңыз