СҚО-да жүк пойызы 16 бас ұсақ малды жапырып өтті

Көліктегі полиция департаментінің мәліметінше, 2023 жылдың басынан бері пойыздардың шұғыл тежелуінің 1624 фактісі тіркелді, оның ішінде темір жол төсемінде жануарлардың болуы себебінен – 1077. Мәселен, 3 қарашада Солтүстік Қазақстан облысының Белеградовка – Жаңаесіл аралығында жүк пойызының машинисі темір жолда жүрген ұсақ малмен соқтығысудың алдын алу үшін шұғыл тежеу қолданған. Алайда соқтығысудың алдын алу мүмкін болмады, салдарынан 16 бас ұсақ малды қағып кетті. Жоспарланбаған пойыз тұрағы 10 минутты құрады.

"Тексеру барысында үй жануарларының иесі анықталды. Ол Солтүстік Қазақстан облысының 58 жастағы тұрғыны болып шықты.Құқық бұзушы ҚР ӘҚБтК-нің 559-бабының 1-бөлігі (Теміржолдарға бөлінген жолақта мал жаю ережелерін бұзу) бойынша әкімшілік жауапкершілікке тартылды".

Оқи отырыңыз

Павлодар облысы әкімінің орынбасарын бопсалады деп айыпталған келіншек 3 жылға сотталды

17:40, 04 мамыр 2024

Алматы облысында оқ тиіп, жараланған бала: Полиция аталған фактіні растады

17:16, 04 мамыр 2024

"DamuBala" бағдарламасы: Шымкентте қос басқарманың бұрынғы басшылары жауапқа тартылды

21:18, 03 мамыр 2024