Жетісу облысы ПД бастығының міндетін атқару Арман Садановқа міндеттелді
Сурет: gov.kz
Бұл туралы Талдықорғанда болған соңғы резонанстық оқиғаға байланысты ІІМ басшысы Ержан Саденов ІІМ орталық аппараты қызмет басшыларынан құралған арнайы топпен Жетісу облысына барған кезінде белгілі болды, деп хабарлайды Zakon.kz.
Айта кетсек, осы сапары барысында Ішкі істер министрі Жетісу облысының полиция басшыларына қатысты қабылданған шешімді жария етті.
Оған сәйкес, облыстық полиция департаментінің бастығы Атығай Арыстанов қызметінен босатылды. Оның бірінші орынбасары Жасұлан Байкеновке қызметтік сәйкестіктің толық еместігі туралы ескертілді. Облыстық департамент бастығының кадр саясаты жөніндегі орынбасары Талант Жұмабек пен тергеу бойынша орынбасары Мақсат Ережепов те өз қызметтерінен босатылды.
Сондай-ақ Жетісу облысы ПД бастығының міндетін енді полиция генерал-майоры Арман Саданов атқаратыны да нақтыланды. Бұған дейін ол ІІМ өзіндік қауіпсіздік департаментін басқарған.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
