Қазақстан кімдерге сұйытылған мұнай газын экспорттауға тыйым салмайды
Сурет: Zakon.kz/Павел Михеев
Энергетика министрлігі ведомствоның 2023 жылғы 13 қарашадағы "Сұйытылған мұнай газын тасымалдаудың кейбір мәселелері туралы" бұйрығына өзгерістер әзірледі, деп хабарлайды Zakon.kz.
Атап айтқанда, сұйытылған мұнай газын, пропан мен бутанды Қазақстанның аумағынан автомобиль және теміржол көлігімен әкетуге алты айға тыйым салынады, мыналарды қоспағанда:
- өнімді бөлу туралы келісім (келісімшарт) немесе ҚР президенті бекіткен жер қойнауын пайдалануға арналған келісімшарт шеңберінде өндіруді жүзеге асырған, тұрақты салық режимі бар жер қойнауын пайдаланушылардың экспорты;
- ҚР халықаралық шарттарының негізінде Қарашығанақ кен орнында Қазақстан шикізатынан өндірілген (өңделген) тауарларды экспорттау;
- Қазақстаннан тыс жерде басталатын және аяқталатын транзит тасымалдар.
Бұйрықтың алдыңғы редакциясында өнімді бөлу туралы келісім (келісімшарт) немесе жер қойнауын пайдалануға арналған келісімшарт бойынша өндіруді жүзеге асырған жер қойнауын пайдаланушылардың сұйытылған мұнай газын экспорттау артықшылық болған еді.
Құжат 30 қарашаға дейін қоғамдық талқылау үшін "Ашық НҚА" сайтына жарияланған.
Бұған дейін Қазақстанда 2023 жылдың 14 қарашасынан бастап сұйытылған мұнай газын экспорттауға шектеу қойылғаны хабарланған еді.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
