Мәжіліс депутаттары Астанадағы колониялардың бірінде болды

2023 жылы 22 қарашада Есірткі қылмысы үшін сотталғандардың жазасын өтеу шарттарымен танысу мақсатында Астана қаласы бойынша ҚАЖ департаментінің № 2 мекемесіне ҚР Парламенті Мәжілісінің депутаттары келді, деп хабарлайды Zakon.kz.

Астана қаласы бойынша ҚАЖД баспасөз қызметінің мәліметінше, депутаттарға жаңадан келген сотталғандар ұсталатын карантиндік бөлімше, жаңа тұрғын блоктар салу, отрядтардың тұрғын үй-жайлары көрсетілді.

Сондай-ақ, қонақтарға сотталғандар шығаратын өнімдер көрсетілген, атап айтқанда, ағаш бұйымдар, аяқ-киім, металл конструкциялар. Депутаттар сотталғандардың жұмыс орындары - тігін, аяқ-кимі цехтарымен және наубайханамен танысты.  

Сурет: Астана қаласы бойынша ҚАЖД баспасөз қызметі

Сурет: Астана қаласы бойынша ҚАЖД баспасөз қызметі

Бұдан кейін халық қалаулылары сотталғандарды жеке мәселелері бойынша қабылдады. Оның барысында ұстау шарттарына шағымдар мен өтініштер түспегені де нақтыланады. 

Сурет: Астана қаласы бойынша ҚАЖД баспасөз қызметі

Өз кезегінде мекеме басшылығы мекеме қызметкерлері үшін баспананың болмауы, ғимараттар мен жабдықтардың ескіруі сияқты проблемалық мәселелерді алға тартты.