Сот реформасы: ҚР Үкіметі заңнамалық түзетулердің екінші блогын қолдады
![Сот әкімшілігінің басшысы, сот реформасы, сурет - Zakon.kz жаңалық 13.12.2023 09:00](https://kaz.zakon.kz/pbi/WEBP/2023-12-13/file-55b1d052-928b-400a-8785-3548371f7a63/800x450.webp)
Премьер-министрдің баспасөз қызметінің мәліметінше, түзетулерді Сенат алаңында арнайы құрылған жұмыс тобы әзірледі. Өзгерістер "Қазақстан Республикасының сот жүйесі мен судьяларының мәртебесі туралы" Конституциялық заңға, процестік кодекстерге, сондай-ақ бірқатар арнайы заңдарға енгізіледі.
Мемлекет басшысының тапсырмаларын іске асыру аясында апелляциялық немесе кассациялық сатыдағы сот актісінде көрсетілген өрескел бұзушылықтардың барлық фактісі автоматты түрде Сот алқасына берілетін жаңа механизм енгізілуде.
Сондай-ақ бағалау көрсеткіштерінің саны оңтайланады, отставкадағы судьялар үшін әлеуметтік пакет жақсарады, мемлекеттік қызметкер болып табылмайтын заңгерлер үшін Сот төрелігі академиясында оқу қолжетімді болмақ.
Н. Ахметзакиров заң жобаларын іске асыру бюджеттен қосымша қаражат бөлуді талап етпейтінін атап өтті.
Бұған дейін Жоғарғы Сот төрағасы Асламбек Мерғалиев Мемлекет басшысына ұсынылып отырған жаңашылдықтар туралы хабардар еткен болатын.
ҚР Конституциясының 61-бабына сәйкес енгізілген түзетулер бойынша қабылданған Үкіметтің оң қорытындысы Мәжілісте заң жобаларына одан әрі бастамашылық жасау үшін Парламент депутаттарына жолданады.