Желіде Алматыдағы автобус жүргізушісіне қатысты қылмыстық іс қозғалғаны жарияланды

Сурет: Zakon.kz

Әлеуметтік желіде Алматыда автобус жүргізушісіне қатысты қылмыстық іс қозғалғаны туралы ақпарат пайда болды, деп хабарлайды Zakon.kz.

Автобус жүргізушісі видеоүндеу жолдады. Ол қаза болғандардың отбасына көңіл айтып, өзінің кінәлі емес екенін жеткізді.

"Біріншіден, қаза болғандардың отбасына көңіл айтамын. Менің тарапымнан ешқандай арам ниет болмағанын айтқым келеді. Мұндайды жауыма да тілемес едім. Өзімді кінәлі деп санамаймын. Ауруханада жатқанымда маған екі тергеуші келді: ер мен әйел. Олар менің жәбірленуші екенімді айтты. Ал қазір ауруханадан шыққан соң, маған ауыр айып тағылғанын білдім. Өзім үй жалдап тұрамын, екі балам бар. Олар үшін аянбай жұмыс істеп келемін, олар маған ешқашан шағымданған емес. Сол кезде соққы болмаса, мен мұндай жағдайға ешқашан жол бермес едім. Әділ шешім шығарылады деп үміттенемін", - деді автобус жүргізушісі.

2023 жылдың 22 желтоқсанында Алматыда жантүршігерлік оқиға болды: автобус аялдамада тұрған бір топ адамды қағып кетті. Үш адам қайтыс болды. Автобустың адамдарды қағып кетуі салдарынан жеті адам зардап шекті. Қаскөй әйелді ол көлік жүргізіп келе жатқанда ұрған, тұншықтырған. Содан автобус жүргізушісі есінен танған.

Оқи отырыңыз