Алматыда егде жастағы әйелді жолаушылар автобусы қағып, мерт қылды

Алматыда Жангелдин-Әшімбаев көшелерінің қиылысында 11 сәуірде жолаушылар автобусы жаяу жүргіншіні қағып кетті, деп хабарлайды Zakon.kz.

Белгілі болғандай, 1948 жылғы егде әйел Жангелдин көшесіндегі жаяу жүргіншілер жолағынан өтіп бара жатқан.

Сурет: Zakon.kz

Осы сәтте оны 117-ші жолаушылар автобусы қағып кетті.  Ауыр жарақаттары салдарынан зардап шегуші оқиға орнында жан тапсырды. 

Сурет: Zakon.kz

Оқиға орнына полиция қызметкерлері келіп жетті.

Сурет: Zakon.kz

Сұрастыру кезінде автобус жүргізушісі егде жастағы әйелдің "зебрадан" өтпегенін мәлімдеді.

Сурет: Zakon.kz

Алайда, жедел басқару орталығы тіркеген видеода, жағдай керісінше болып шықты.