Анталияға есірткі ала кетпек болған елордалық келіншек жеті жылға сотталды
![Сотталды, Анталья, есірткі, сурет - Zakon.kz жаңалық 28.05.2024 18:16](https://kaz.zakon.kz/pbi/WEBP/2024-05-28/file-347621bd-259a-4fa9-915c-6f2fe7044d55/400x225.webp)
Елордалық 47 жастағы әйел есірткі контрабандасы үшін 7 жылға сотталды, деп хабарлайды Zakon.kz.
Көліктегі полиция департаментінің хабарлауынша, 2024 жылдың ақпан айында Астана қаласының халықаралық әуежайында қызметтік-іздестіру итімен "Тосқауыл" жедел-профилактикалық іс-шарасын өткізу барысында есірткі затының контрабандасы күдігімен Астана-Анталия бағытындағы әуе рейсімен ұшпақ болған 47 жастағы елорда тұрғынын анықталып, ұсталды.
"Жеке тінту барысында ұсталған азаматшадан жалпы салмағы 9 грамм болатын гашиш есірткі заты табылып, тәркіленді. Құқық бұзушы есірткі затын Түркия Республикасының Анталия қаласына барғаннан кейін жеке өзі пайдалану мақсатында алғандығын айтқан", - дейді Көліктегі полиция департаментінің бастығы Бақытжан Малыбаев
Ұсталған азаматшаға қатысты көлік полицейлері сотқа дейінгі тергеу жүргізді.
"27 мамырда Астана қаласының қылмыстық істер жөніндегі ауданаралық сотымен әйел адам қылмыстық құқық бұзушылық жасағаны үшін кінәлі деп танылып, оған 7 жыл мерзімге бас бостандығынан айыру түріндегі жаза тағайындалды", – дейді полиция полковнигі.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript