Бурабай ауылының әкіміне қатаң сөгіс жарияланды

Бурабай ауылының әкімі, Сабыр Жалмұқанов, қатаң сөгіс, сурет - Zakon.kz жаңалық 29.05.2024 17:54

Сурет: gov.kz

Бурабай ауылының әкімі Сабыр Жалмұқановқа Әдеп кодексін бұзғаны үшін қатаң сөгіс жарияланды, деп хабарлайды

Бұл туралы 2024 жылы 29 мамырда Ақмола облысының прокуратурасы хабарлады.

"Бурабай ауылының әкімі мен ЖШС арасында алаңды абаттандыру бойынша мемлекеттік сатып алу туралы келісім жасалғаны анықталды. Келісімшарттық міндеттемелерді орындау барысында әкім кәсіпкерден сметалық құжаттамада қарастырылмаған қосымша жұмыстарды орындауды талап еткен. Өз кезегінде кәсіпкер тапсырыс берушіден тәуелді жағдайда болғандықтан, бұл жұмыстардың бір бөлігін орындады", делінген хабарламада.

Әкім өз іс-әрекетімен кәсіпкерлік субъектісіне 400 мың теңге көлемінде материалдық шығын келтірді.

Бурабай аудан әкімінің өкімімен Бурабай ауылының әкіміне "қатаң сөгіс" түріндегі тәртіптік жаза қолданылды.

Оқи отырыңыз