Батыс Қазақстан медициналық университетінің ректоры пара алды деген күдікпен қамауға алынды

Марат Оспанов атындағы Батыс Қазақстан медициналық университетінің ректоры жемқорлық бойынша күдікке ілінді. Қылмысты Алматы облысының Сыбайлас жемқорлыққа қарсы қызметі әшкереледі, деп хабарлайды Zakon.kz.

"М. Оспанов атындағы Батыс Қазақстан медициналық университеті" КЕАҚ Басқарма төрағасы медициналық жабдықтарды мемлекеттік сатып алу шарттары бойынша бюджет қаражатын кедергісіз аударғаны үшін Алматы қаласының кәсіпкерінен 11,6 млн теңге көлемінде пара алған. Соттың санкциясымен күдікті қамауға алынды". Антикор

Тергеу амалдары жалғасуда.

Өзге ақпараттар Қылмыстық-процестік кодексінің 201-бабына сәйкес жария етуге жатпайтыны ескертіледі.