Ақтөбеде заңсыз жүрген Ауғанстанның 15 азаматы ұсталды

Ақтөбе облысында полицейлер мен шекарашылар Қарабұтақ елдімекені маңында Самара-Шымкент тас жолында шетелдіктер мінген үш көлікті тоқтатты. Құжаттарды тексеру кезінде Ауғанстанның 15 азаматының виза мерзімі өтіп кеткені анықталды, деп хабарлайды Zakon.kz.

Ал тағы бесеуінде тексеру кезінде төлқұжат мүлде болмаған. Барлық жағдайларды анықтау үшін олар көші-қон қызметі басқармасына жеткізілді. 11 шетелдік елордалық университеттің студенттері екені анықталды, қалғандары елімізге жұмыс визасымен келген екен, деп хабарлайды "Мой город" жергілікті басылымы.

Полиция департаменті елімізде заңсыз жүрген шетелдіктер туралы мәліметке ие азаматтарға 102 телефонына хабарласуды сұрайды.