Алматыда жасөспірім қыз биіктен құлап, мерт болды
Сурет: Zakon.kz
Алматы қаласының Бостандық ауданындағы тұрғын үй кешендерінің бірінде жасөспірім қыз 13-қабаттан құлап, мерт болды, деп хабарлайды Zakon.kz.
Полиция департаментінің баспасөз қызметі бұл ақпаратты растап, қайғылы оқиғаның 21 қыркүйекте таңертең болғанын нақтылады. Аталған факті бойынша қылмыстық іс қозғалды. Оның себебі мен мән-жайлары анықталуда.
"Сонымен қатар, әлеуметтік желі мен месенджерлерде көз жұмған қыздың интернетте қауіпті ойын ойнағаны, артына хат жазып қалдырғаны туралы тарап жатқан ақпарат шындыққа жанаспайтынын хабарлаймыз ", деп атап өтті полициядан.
Құқық қорғау органдары заңда көрінеу жалған ақпарат таратқан үшін қылмыстық жауапкершілік қарастырылатынын ескертіп, қазақстандықтарды тек ресми көзден алынған ақпаратқа сенуге шақырады.
2024 жылдың 16 қыркүйегінде Алматы қаласының Алмалы ауданында екі жасөспірім қыз биік үйдің төбесінен құлап, қаза тапты.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
