Алматыдағы екі оқушы қыздың өлімі: Білім басқармасы мәлімдеме жасады

Сурет: Zakon.kz

Алматының Алмалы ауданында қос жасөспірім қыз биіктіктен құлап, мерт болды. Қалалық білім басқармасы істің мән-жайын зерделеу үшін арнайы комиссия құрылғанын мәлімдеді, деп хабарлайды Zakon.kz.

Айта кетсек, бұл факт бойынша Алмалы аудандық полиция басқармасы қылмыстық іс қозғады. Кейінірек білім басқармасы арнайы комиссия құрылғанын хабарлады.

"Алматы қаласының білім басқармасы тиісті мемлекеттік органдардың қызметкерлерін тарта отырып, істің барлық мән-жайын анықтау жөніндегі комиссия құрылғанын хабарлайды", делінген ведомствоның хабарламасында.

Бұған дейін Алматыдағы көпқабатты үйдің терезесінен екі қыз құлағаны хабарланған болатын. Куәгерлер тұрғын үй маңындағы асфальтта жатқан оқушылардың денесін көріп, төтенше жағдайлар қызметіне хабарлады. Жедел жәрдем дәрігерлері мен полиция қызметкерлері қайғылы оқиға орнына шұғыл келіп жетті, бірақ балаларды құтқарып қалу мүмкін болмады.

Оқи отырыңыз