Атырауда көпбалалы ана өзгенің ақшасын құмар ойынға салып жіберген
Сурет: freepik
Атырау қаласының тұрғыны өзгенің ақшасын құмар ойынға салып жіберген, деп хабарлайды Zakon.kz.
Атырау қалалық №2 соты алаяқтық фактісі бойынша көпбалалы ананы кінәлі деп танып, оған 4 жыл мерзімге бас бостандығынан айыру түріндегі жаза тағайындады.
"Дегенмен сотталушының асырауында кәмелетке толмаған төрт баласының болуына байланысты үкімнің орындалуы үш жыл мерзімге кейінге қалдырылды. Сот үкімі заңды күшіне енді", делінген сот хабарламасында.
Сотталушы өзінің атына жеке кәсіпкерлікті тіркеп, Атырау қаласы аумағында майлық сүрткісі мен балаларға арналған жөргектер сатумен айналысқан. Жәбірленушінің сеніміне кіріп, шотына ақша аудартып алған ол кейін өз міндеттемесін орындамаған, яғни тауар жібермеген. Ал одан түскен 500 мың теңгені ол құмар ойынға салып жіберген.
Бұған дейін алаяқтар "Халық заңгері" республикалық акциясының атын жамылып, жұртты алдап жатқаны хабарланған. Акцияны ұйымдастырушылар заңгерлердің тегін кеңесі онлайн жүргізілмейтінін ескертеді.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
