Алматы облысында жаңа туған сәбиді өлтірді деген күдікке анасы ілінді

Алматы облыстық полиция департаментінің баспасөз қызметі қараусыз ғимараттан өлі табылған жаңа туған сәбиге қатысты қосымша ақпаратпен бөлісті, деп хабарлайды Zakon.kz.

Полиция жаңа туған сәбиді анасының өлтіруі фактісі бойынша қылмыстық іс қозғағаны белгілі болды.

"Іздестіру жұмыстары барысында өлі шақалақтың биологиялық анасы анықталып, ол ауруханаға жатқызылды. Оқиғаның мән-жайларын анықтау бойынша қажетті тергеу шаралары қолға алынды. Өзге мәліметтер тергеу мүддесіне сай жария етуге жатпайды", делінген хабарламада.

Бұған дейін Алматы облысы, Еңбекшіқазақ ауданы, Шелек ауылында қараусыз ғимараттан жаңа туған сәбидің денесі табылғанын жазғанбыз.