Жамбыл облысының тұрғыны Tik-Tok-та видео жариялап, басы дауға қалды

Тик-ток, Жамбыл облысы, Қордай ауданы, видео, сурет - Zakon.kz жаңалық 15.11.2024 20:55

Сурет: pixabay

Қордай ауданының тұрғыны ар-намыс пен қадір қасиетін қорғау, моралдық зиянды өндіру туралы талап қою арызымен сотқа жүгінді, деп хабарлайды Zakon.kz.

Сотта белгілі болғандай, 2024 жылдың маусымында жауапкер өзінің Tik-Tok әлеуметтік желісіндегі жеке парақшасында видео жариялап, онда шындыққа жанаспайтын жалған мәліметтерді көрсеткен. Жарияланған ролик әлеуметтік желі қолданушылары арасында қызу талқыға түсіп, олар жағымсыз пікірлерін қалдырған.

Талап қоюшы соттан жауапкерді жалған ақпаратты теріске шығаруды міндеттеуді, моральдық зиян өтемақысы ретінде 2 млн теңге және сот шығындарын өндіруді сұрады.

Сотта жауапкер талапты мойындамай, жарияланған ақпарат оның орын алған жағдайды түсінуге ниеті мен ақпарат иесінің пікірі екендігін айтып көрсетті. Сот психиологиялық-филологиялық сараптама қорытындысына сәйкес, жауапкердің іс-әрекеті ар-намыс пен қадір қасиетке нұқсан келтіреді деп танылды.

"Сот шешімімен талап ішінара қанағаттандырылып, жауапкерге 10 күн ішінде жариялаған ақпаратты теріске шығару міндеттелді, сонымен қатар сот шығындары мен моральдық зиян ретінде 20 мың теңге өндірілді".Қордай аудандық сотының баспасөз қызметі

Шешім заңды күшіне енген жоқ.

Оқи отырыңыз