Атырауда полицейлер көпірден секірмек болған жасөспірімді құтқарды

9 желтоқсанда жедел басқару орталығына Атырау қаласындағы Бергалиев көпірінде белгісіз адамның секіргелі тұрғаны туралы ақпарат келіп түскен, деп хабарлайды Zakon.kz.

"Оқиға орнына жеткен патрульдік полиция қызметкерлері көпір үстінде 17 жастағы жасөспірімнің секіруге оқталғанын байқап, жақындай келе оны сөзге тартты. Жасөспірім қауіпсіз жерге шығарылып, полиция бөліміне жеткізілді". ҚР ІІМ баспасөз қызметі

Қазіргі уақытта жедел-тергеу тобы жасөспірімнің бұл әрекетке баруының себептерін жан-жақты тексеріп, тергеу жұмыстарын жүргізуде.

Бұған дейін Рудныйда әйел адамды қағып, мерт еткен автобус жүргізушісі суицид жасағаны хабарланған.