Көлігінің тіркемесінен 19 киіктің тушасы табылған төрт қызылордалық құрықталды

Күмәнді жүгі бар көлік Қызылорда облысы Арал ауданында тоқтатылған, деп хабарлайды Zakon.kz.

Қызылорда облысы Арал ауданы полиция бөлімінің қызметкерлері көлікті тексеру барысында тіркелмеген қару, прожектор, екі дана PUXING үлгідегі рациялары, арқан жіпті тапты.

"Автокөлік тіркемесіне қарап-тексеру барысында 19 дана өлі киік табылды. Осы факт бойынша тергеу әрекеттері жүргізілуде. Күдіктілерге қатысты сот үйқамақ түріндегі бұлтартпау шарасын санкциялады".Арал ауданының полиция бөлімінің бастығы полиция полковнигі Әлтай Нұрсұлтан

Бұған дейін Қостанайда жолаушылар автобусының жүргізушісі рөлге мас күйде отырғаны хабарланған.